बसले ठक्कर दिँदा पैदल यात्रीको मृत्यु
काठमाडौंको सिनामंगलमा बसको ठक्करबाट पैदल यात्रुको मृत्यु भएको छ।
काठमाडौं महानगरपालिका–९ सिनामंगल कार्गो गेटअगाडि बिहान बा ५ ख ५६२२ नं को बसको ठक्करबाट काभ्रे घर भई सिनामङ्गल बस्ने ४२ वर्षीय रामकृष्ण रञ्जितकारको आज बिहान मृत्यु भएको हो ।
बसको ठक्करबाट गम्भीर घाइते रञ्जितकारको उपचारका क्रममा काठमाडौं मेडिकल कलेज सिनामंगलमा निधन भएको काठमाडौं उपत्यका ट्राफिक कार्यालयका प्रवक्ता वरिष्ठ उपरीक्षक राजेन्द्रप्रसाद भट्टले जानकारी दिनुभयो ।
दुर्घटनामा संलग्न बस चालकलाई भने प्रहरीले नियन्त्रणमा लिएर अनुसन्धान गरिरहेको छ ।
ट्रेन्डिङ पोस्ट
टिप्पणीहरू