रामेछापमा बोलेरो जीप दुर्घटना

उमाकुण्ड गाउँपालिकामा बोलेरो जीप दुर्घटना हुँदा ११ जना घाइते भएका छन् भने ६ जनाको अवस्था गम्भिर रहेको छ। छदुरागाँउबाट भुजीतर्फ जाँदै गरेको बा ११ च ७५९१ नम्बरको बोलेरो उमाकुण्ड गाउँपालिका वडा नम्बर ७ एकराते पहरामा दुर्घटना भएको हो ।

दुर्घटनामा परी गम्भिर घाइते हुनेमा रामेछापको लिखु तामाकोशी गाउँपालिका वडा नम्बर १ की ३२ वर्षिया बिमला सुनुवार,सोही स्थानकी २३ वर्षिया श्रृष्टी सुनुवार, बोलेरो चालक ३९ वर्षीय बिमल सुनुवार,३० वर्षिया सीता कार्की, ३० वर्षिया मनिता खड्का र ४० वर्षीय दिपक सुनुवार रहेका छन् ।

बोलेरो आफैं अनियन्त्रित भएर सडकबाट करिव ५० मीटर तल खसेको बताइन्छ।

घाइतेको मन्थलीस्थित तामाकोशी अस्पतालमा उपचार भइरहेको प्रहरीले जनाएको छ ।