भरुवा बन्दुक बोकेका राई समातिए

संखुवासभामा भरुवा बन्दुक बोकेर हिँडेका एक जना पक्राउ परेका छन् । पाँचखपन नगरपालिका १ का ३८ वर्षीय टेकबहादुर राईलाई हतियारसहित नियन्त्रणमा लिइएको प्रहरीले जनाएको छ । उनले उक्त हतियार घरमा राख्दै आएका थिए । सोही सूचनाको आधारमा इलाका प्रहरी कार्यालय वानाबाट खटिएको टोलीले राईलाई बन्दुकसहित पक्रेको हो ।

टोलीले बन्दुकसहित त्यसमा प्रयोग हुने विस्फोटक पदार्थसमेत बरामद गरेको बताइएको छ । उनीमाथि थप अनुसन्धान भइरहेको जिल्ला प्रहरी कार्यालय, संखुवासभाले जनाएको छ ।