रेष्टुरेन्टलाई जुवाको खाल बनाउनेहरु प्रहरी फन्दामा
राजधानीमा जुवा खेलिरहेको अवस्थामा ७ जना जुवाडेलाई प्रहरीले पक्राउ गरेको छ । नागार्जुन नगरपालिका–२ नाम्गेलस्थित जयफुल रेष्टुरेन्टमा जुवा खेलिरहेका सोही ठाउँका ३३ वर्षीय छिरङ शेर्पासहित ७ जना हिजो दिउँसो खालबाटै समातिएका हुन् ।
प्रहरी वृत्त स्वयम्भूबाट खटिएको प्रहरी टोलीले विशेष सूचनाको आधारमा जुवाडे पक्राउ गरी नगदसमेत बरामद गरेको छ । प्रहरीका अनुसार उनीहरुको साथबाट २३ हजार ७ सय १५ रुपैयाँ नगदसहित २ बुक तास बरामद भएको छ ।
पक्राउ परेकामाथि थप अनुसन्धान भइरहेको प्रहरीले जनाएको छ ।
टिप्पणीहरू