नेपाल वायुसेवाको कार्यालय बिदामा पनि खुल्ने, अरु दिन अबेरसम्म

नेपाल वायुसेवा निगमले आफ्नो कार्यालय साँझ अबेरसम्म र बिदाको दिनमा पनि खुल्ने व्यवस्था गरेको छ । निगमले भोलिदेखि अन्तर्राष्ट्रिय टिकट बिक्री कक्ष बिहान ९ बजेदेखि साँझ ७ बजेसम्म खुलाउने भएको छ ।

नयाँ सडकको गेट नजिकैको उक्त कक्ष शुक्रबार, शनिबार र सार्वजनिक बिदाको दिन पनि बिहान १० बजेदेखि बेलुकी ५ बजेसम्म खुल्ला राख्ने जनाइएको छ । निगमले जारी गरेको विज्ञप्तिमा यात्रुहरुको सुविधालाई ध्यानमा राखेर उक्त व्यवस्था गरिएको उल्लेख छ ।