अमेरिकी राजदूतद्वारा कृषि मन्त्रीसँग खाद्य सुरक्षाबारे कुराकानी भएको खुलासा

नेपालका लागि अमेरिकी राजदूत डिन आर थम्पसनले कृषि तथा पशुपन्छी विपकासमन्त्री ज्वालाकुमारी साहसँगको भेटमा खाद्य सुरक्षाबारे कुराकानी भएको जानकारी दिनुभएको छ । राजदूत थम्पसनले हिजो मन्त्री साहसँग सिंहदरबारस्थित मन्त्रालयमा नै भेटेर कुराकानी गर्नुभएको विवरण उहाँको ट्वीटरमा उल्लेख छ ।

भेटमा दुई मुलुकबीच लामो समयदेखि कायम रहेको सफल सहयोग आदानप्रदान र खाद्य सुरक्षालाई थप मजबुत बनाउनेबारे चर्चा भएको उहाँको भनाइ छ । आगामी दिनमा पनि कृषि क्षेत्रमा हुँदै आएको अमेरिकी सहयोग, महिला सशक्तिकरण र प्रविधिको विकासमा पुर्याइएको योगदानलाई थप गरिने प्रतिबद्धता जनाइएको सामाजिक सञ्जालमा लेखिएको छ ।