८ जना झापाली जुवाको खालबाट समातिए

झापामा जुवा खेलिरहेको अवस्थामा प्रहरीले ८ जनालाई पक्राउ गरेको छ । दमक नगरपालिका–६ पशुपति मार्गका पूर्णबहादुर राईसहित ८ जना जुवा खेल्दाखेल्दै खालबाटै समातिएका हुन् ।

ईलाका प्रहरी कार्यालय दमकबाट खटिएको प्रहरी टोलीले विशेष सुराकीका आधारमा राईको घरमा बसेर जुवा खेलिरहेका उनीहरुलाई नियन्त्रणमा लिएको बताइएको छ । प्रहरीले उनीहरुको साथबाट १ लाख १० हजार ५ सय नगदसहित ३ तासबुक बरामद गरेको जनाएको छ ।