पोखरामा बस दुर्घटना, सबै यात्रु घाइते
पोखरामा यात्रुवाहक बस दुर्घटना हुँदा बसमा सवार सबै घाइते भएका छन् । पोखरा महानगरपालिका–२७ स्थित बेगनास–पोखरा सडकखण्डमा ग. २ ख ६७४७ नम्बरको बस आज दिउँसो साढे २ बजे सडकबाट तल खसेको हो ।
बस स्थानीय डाँडाको नाक प्रहरीचौकी नजिकै शिशुवामा दुर्घटनामा परेको जिल्ला प्रहरी कार्यालय कास्कीले जनाएको छ । कार्यालयका सूचना अधिकारी ज्ञानबहादुर खड्काका अनुसार दुर्घटनामा परेका सबै ४९ जनाको उद्धार भइसकेको छ ।
उनीहरु सबैलाई उपचारार्थ पश्चिमाञ्चल क्षेत्रीय अस्पताल र गण्डकी मेडिकल कलेज लगिएको उनले जानकारी दिए । बेगनासबाट पोखरातर्फ जाँदै गरेको दुर्घटनाग्रस्त बसमा पोखरा विश्वविद्यालयका विद्यार्थीहरु समेत परेको बताइएको छ ।
टिप्पणीहरू