पार्किङबाट मोटरसाइकल उठाउने दुर्गेस र सौगात समातिए

सुनसरीमा मोटरसाइकल चोरेको आरोपमा प्रहरीले दुई जनालाई पक्राउ गरेको छ । इटहरीका दुर्गेस चौधरी र धनकुटाका सौगात थापा चोरीको अभियोगमा समातिएका हुन् ।

गत माघ २५ गते इटहरीका विक्रम खड्काको पार्किङमा राखेको प्रदेश १–०२–०४० प ३३१८ नम्बरको मोटरसाइकल चोरेको आरोप उनीहरुमाथि लागेको छ । प्रहरीका अनुसार खड्काले मोटरसाइकल चोरी भएको उजुरी दिएपछि अनुसन्धानका गर्दा दुर्गेस र सौगातको संलग्नता खुलेपछि  उनीहरुलाई विराटनगरबाट नियन्त्रणमा लिएको हो । 

जिल्ला अदालत सुनसरीबाट म्याद थप गराई उक्त घटनाबारे आवश्यक अनुसन्धान भइरहेको प्रहरीले जानकारी दिएको छ ।