मान्छे मारेर भागेका शिवशंकर पाँच महिनापछि पक्राउ

व्यक्ति हत्याका एक जना फरार अभियुक्तलाई प्रहरीले पक्राउ गरेको छ । रौतहटको गरुडा नगरपालिका- ९ का २७ वर्षीय शिवशंकार कुमार यादव कर्तव्य ज्यान अभियोगमा समातिएका हुन् ।

काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले उनलाई ललितपुरको ग्वार्कोबाट नियन्त्रणमा लिई रौतहट पठाएको छ । 

गत असोज २६ गते गरुडाको सिसवा भन्ने ठाउँमा शिवशंकरसहितका व्यक्तिले सोही ठाउँका ५२ वर्षीय छविलाल शाहमाथि कुटपिट गरेका थिए । कुटपिटबाट गम्भिर घाइते भएका छविलाललाई तत्काल उपचारका लागि नारायणी बयोधा शिक्षण अस्पतालमा उपचारको क्रममा मृत्यु भएको थियो ।

कुटपिटलगत्तै फरार भएका शिवशंकार अस्ति समातिएका हुन् । उनलाई थप कानूनी कारबाहीका लागि ईलाका प्रहरी कार्यालय गरुडा, रौतहट पठाएको काठमाडौँ प्रहरीले जानकारी गराएको छ ।