चोरेको मोटरसाइकलसहित चोर पक्राउ
मोटरसाइकल चोरेको आरोपमा प्रहरीले झापामा एक युवालाई पक्राउ गरेको छ । उक्त आरोपमा मोरङको रतुवामाइ ५ का २४ वर्षीय प्रकाश थापा बिर्तामोडबाट प्रहरी नियन्त्रणमा पुगेका हुन् ।
उनले बिर्तामोड ४ बाट अर्जुनधारा ६ का एकराज बुढाथोकीको पार्किङ गरिराखेको लु. ८२ प १३४६ नम्बरको पल्सर मोटरसाइकल चोरेका थिए । मोटरसाइकल चोरे पनि थापालाई पैदल हिँडिरहेको अवस्थामा पक्राउ गरिएको हो । उनीमाथि आवश्यक अनुसन्धान थालिएको प्रहरीले जनाएको छ ।
टिप्पणीहरू