चप्पल कारखानामा देउवा निकटस्थ नेताहरुबीच छलफल

नेपाली काँग्रेसका सभापति शेरबहादुरको अस्थायी निवासमा काँग्रेस नेताहरुको भेटघाट भएको छ । महाराजगञ्ज नजिकैको चप्पल कारखानामा रहेको सभापतिको निवासमा पार्टी प्रवक्ता प्रकाशशरण महत र नेता एनपी साउदबीच साँझ कुराकानी भएको हो ।

सभापतिसँग छलफल गर्न नेता महत र साउद साँझ ६ बजे त्यहाँ पुगेको बताइन्छ । तीन जनाबीचको कुराकानी झण्डै एक घण्टासम्म चलेको थियो । छलफल राष्ट्रपति निर्वाचनको विषयमा केन्द्रित रहेको बताइएको छ ।