पार्टीको कार्यक्रममा हिँडेका एमाले नेता रामबहादुर थापाको दुर्घटनामा निधन

नेकपा एमालद्धारा सञ्चालिन 'ग्रास रुट अभियान'मा भाग लिन जाँदै गर्दा प्युठानमा एकजनाको मृत्यु भएको छ । मोटरसाइकल चढेर कार्यक्रममा हिँडेका एमाले कार्यकर्ता गोपाल थापाको सडकमा रोकिराखेको जेसिबीमा ठोक्किएर ज्यान गएको हो । 

माण्डवि गाउँपालिका –५ आपचौरमा जेसिबि र मोटरसाइकल ठोक्किएर दुर्घटना हुदाँ गोपाल भनिने रामबहादुर थापाको मृत्यु भएको प्रहरीले जनाएको छ । प्रहरीका अनुसार बाटोमा काम गरिरहेको जेसीबीमा मोटरसाइकल ठोक्किदा ऐरावती –२ टिकुरी बस्ने थापाको घटनास्थलमै प्राण गएको हो । 

मोटरसाइकलमा सबार कमला भुसाल भने घाइते भएकी छिन । घाइते भुसालको विजुवारस्थित जिल्ला अस्पतालमा उपचार भइरहेको छ ।

एमाले प्युठानका जिल्ला कमिटी सदस्य रहेका थापा र भुसाल ‘मिसन ग्रास रुट’ कार्यक्रमका लागि रानिबगरमा आयोजना भएको वडास्तरिय कार्यक्रममा सहभागी हुन जाँदै थिए । उक्त घटना पछि एमालेले कार्यक्रम स्थगित गरेको छ ।