बेलारुसमा अलपत्र परेकाहरु काठमाडौँ आइपुगे
वैदेशिक रोजगारीको सिलसिलामा बेलारुस पुगेर अलपत्र परेका ९ जना नेपाली महिलालाई स्वदेश फर्काइएको छ । विभिन्न मेनपावर व्यवसायी (दलाल) ले झुक्याएर त्यहाँ पुर्याई अलपत्र पारिएका उनीहरुलाई आज उद्धार गरेर काठमाडौं ल्याइएको हो ।
नेपाल वायु सेवा निगमको आरए २०६ उडानबाट दिल्ली हुँदै दिउँसो १ बजे उनीहरु काठमाडौँ उत्रिएका हुन् । नेपाल फर्किएकामा सानुमाया तामाङ (नुवाकोट), कविता थापामगर र अञ्जना मगर (रामेछाप), रत्नमाया राई (धनकुटा), पार्वतीमाया तितुङ (मकवानपुर), रमिता राई (भोजपुर), सुष्मा तामाङ (काभ्रेपलाञ्चोक), मीना गुरुङ (चितवन) र मार्था सोताङ राई (मोरङ) छन् ।
यसअघि उनीहरुको उद्धारका लागि विभिन्न संघसंस्थाले सरकारको ध्यानाकर्षण गराएका थिए ।
ट्रेन्डिङ पोस्ट
टिप्पणीहरू