सालकको खपेटा लिएर हिँडेका मकवानपुरका दुई भाइ ग्वार्कोबाट समातिए
ललितपुरको ग्वार्कोबाट सालकको खपेटासहित दुई जना पक्राउ परेका छन् ।
मकवानपुरको बागमती गाउँपालिका-९ घर भई हाल ललितपुरको गोदावरी बस्दै आएका ३६ वर्षीय डगरमान डिमडुङ्ग र ३५ वर्षीय सुरज तामाङलाई प्रतिवन्धित खपेटासहित प्रहरीले आज पक्राउ गरेको हो ।
विशेष सूचनाको आधारमा जिल्ला प्रहरी परिसर ललितपुरबाट खटिएको टोलीले उनीहरुको साथबाट पाँच सय ग्राम तौल भएको खपेटा भेटेपछि नियन्त्रणमा लिएको बताइएको छ । यस सम्बन्धमा थप अनुसन्धान अघि बढाउन पक्राउ परेका दुबैलाई डिभिजन वन कार्यालय गोदावरी पठाइएको प्रहरीले जनाएको छ ।
टिप्पणीहरू