जुवाको खालबाट टिकापुरमा जुवाडेहरु पक्राउ
कैलालीको टिकापुरमा जुवा खेलिरहेको अवस्थामा पाँच जना जुवाडे खालबाट पक्राउ परेका छन् ।
टिकापुर नगरपालिका–१ का खडकबहादुर शाहीसहित जुवा खेलिरहेको अवस्थामा पक्राउ परेका हुन् । विशेष सुराकीको आधारमा इलाका प्रहरी कार्यालय टिकापुरबाट खटिएको टोलीले शाहीको घरमा जुवा खेलिरहेको अवस्थामा उनीहरुलाई गएराति नियन्त्रणमा लिएको हो ।
प्रहरीले जुवाडेहरुको साथबाट ३१ हजार ६९५ रुपैयाँ बरामद गरेको छ । साथै, पक्राउ परेका उनीहरुमाथि थप आवश्यक अनुसन्धान भइरहेको प्रहरीले जनाएको छ ।
टिप्पणीहरू