अमेरिकी राजदूत पोखरा घुमेर फर्कनुभयो

नेपालका लागि अमेरिकी राजदूत डिन आर थम्पसन पोखरा र आसपासको भ्रमणपछि काठमाडौं फर्कनुभएको छ ।

उहाँ बिहान साढे ८ बजे बुद्ध एअरको उडानमा पोखराबाट आउनुभएको बताइएको छ । राजदूत दम्पति अस्ति बिहान त्यता जानुभएको हो । विभिन्न प्रदेशको अवलोकन गर्ने क्रममा राजदूत थम्पसन यस पटक पोखरा जानुभएको अमेरिकी दूतावासले जनाएको थियो । 

राजदूतले पनि अस्ति दिउँसो सामाजिक सञ्जालमा लेख्दै पोखराको प्राकृतिक दृश्य र स्थानीयको आत्मीय सत्कारबाट आफूलाई प्रभावित बनाएको लेख्नुभएको थियो ।