नरपशुद्वारा ५ वर्षीया बालिका बलात्कृत
दाङमा ५ वर्षीया बालिकालाई जबरजस्ती करणी गरेको आरोपमा ५० वर्षे पुरुष पक्राउ परेका छन् । लमही नगरपालिका–८ सतबरिया संघर्ष टोलका जनकु चौधरी उक्त आरोपमा समातिएका हुन् ।
गत पुस ११ गते दिउँसो चौधरीले सोही स्थानीय खोल्सामा लगेर ती बालिकालाई करणी गरेको तथ्य खुलेको प्रहरीले जनाएको छ । वडा प्रहरी कार्यालय लमहीबाट खटिएको टोलीले उनलाई हिजो दिउँसो नियन्त्रणमा लिएको हो ।
पक्राउ परेका उनीमाथि थप अनुसन्धान भइरहेको प्रहरीले जनाएको छ ।
टिप्पणीहरू