विराटनगरमा व्यापारीमाथि दिनदहाडै खुकुरी प्रहार
मोरङमा एक जना व्यापारीमाथि खुकुरी प्रहार भएको छ । विराटनगर महानगरपालिका–१३ का ३२ वर्षीय व्यापारी राहुलकुमार रायलाई एक युवाले आज दिउँसो खुकुरी हानेको प्रहरीले जनाएको छ ।
प्रहरीका अनुसार विराटनगर–१२ बस्ने दीपेन्द्र कामतले ट्राफिक चोक नजिकै राहुललाई खुकुरी हानेका हुन् । खुकुरी प्रहारबाट राहुलको हातमा चोट लागेको छ । उनलाई उपचारका लागि विराट नर्सिङ होममा भर्ना गरिएको बताइएको छ ।
राहुल भारतीय सीमा बजार जोगबनीमा रहेको किराना पसल सञ्चालक हुन् । प्रहरीले खुकुरी प्रहार गर्ने कामतलाई प्रहरीले नियन्त्रणमा लिएर अनुसन्धान अघि बढाएको छ ।
टिप्पणीहरू