जनप्रतिनिधिलाई तालिम दिँदै एमाले अध्यक्षले भन्नुभयो, सबै ठाउँमा ५१ प्रतिशत चाहिन्छ

नेकपा एमालेका अध्यक्ष केपी शर्मा ओलीले आगामी निर्वाचनमा आफ्नो पार्टीले सबै ठाउँमा ५१ प्रतिशत जित्ने दाबी गर्नुभएको छ । 

पार्टीको तर्फबाट निर्वाचित स्थानीय तहका जनप्रतिनिधिहरुलाई आज प्रशिक्षण दिँदै उहाँले आउने २०८४ सालको चुनावमा ५१ प्रतिशतभन्दा बढी प्रतिनिधित्व हुनेगरी अहिलेबाटै तयारीमा लाग्नुपर्ने बताउनुभएको हो । वडादेखि केन्द्रसम्म ५१ प्रतिशत बढी भए हरेक ठाउँमा निर्वाचन जित्न सकिने उहाँको किटानी दाबी छ ।

एमालेबाट निर्वाचित जनप्रतिनिधिलाई निर्देशन दिँदै अध्यक्ष ओलीले भन्नुभयो, ‘त्यसका लागि अहिलेदेखि नै लागियो भने मात्र काम गर्न सक्छौं । तपाईंहरुसँग आफ्नो कार्ययोजना हुनुपर्छ ।’