टेकु अस्पतालका ल्याब टेक्नोलोजिष्ट ५० हजार घुससहित पक्राउ
राष्ट्रिय जनस्वास्थ्य प्रयोगशाला टेकुमा कार्यरत मेडिकल ल्याब टेक्नोलोजिष्ट (अधिकृत छैठौं तह) लेखनाथ भट्टराई ५० हजार घुससहित पक्राउ परेका छन् ।
अख्तियार दुरुपयोग अनुसन्धान आयोगको टोलीले उनलाई ल्याब दर्ता प्रक्रिया अघि बढाउन सहजीकरण गरिदिने भनी सेवाग्राहीसँग घुस लिएको आरोपमा समातेको हो ।
घुस रकम लिएलगत्तै आयोगको टंगालबाट खटिएको टोली उनलाई आज काठमाडौँको शंखमुलबाट नियन्त्रणमा लिएको बताइएको छ ।
उनीमाथि थप छानबिन भइरहेको अख्तियारका प्रवक्ता भोला दाहालले जानकारी दिएका छन् ।
ट्रेन्डिङ पोस्ट
टिप्पणीहरू