दोहा हिँडेका अढाई सय यात्रु नेपालकै पाँच तारे होटलमा

कतारको राजधानी दोहा उड्न ठिक्क परेका साढे दुई सयभन्दा बढी यात्रुले गएको रात काठमाडौंको पाँच तारे होटलमा बिताएका छन् ।

दुई सय ६० जना यात्रु बोकेर दोहा उड्नुपर्ने कतार एअरवेजको विमान काठमाडौंको सट्टा कलकत्ता पुगेपछि उडान नम्बर क्युआर ६४६ रध्द गरिएको थियो । 

साँझ साढे ६ बजे काठमाडौंबाट उड्नुपर्ने विमान राति साढे ८ बजेसम्म पनि नआएपछि यात्रुहरुलाई सोल्टी र र्याडिसनमा लगिएको हो । दोहाबाट आएको विमान खराब मौसमका कारण कलकत्ता डाइभर्ट भएको बताइन्छ । 

राति पौने ९ बजे उडान गरिने जानकारी दिए पनि विमान नआएपछि उडान रध्द गरिएको थियो । तर, त्यसअघि र पछिका कतार एअरवेजका उडान भने यथावत सञ्चालन भएको जानकारी दिइएको छ ।