चीन र मंंगोलियाका पाहुना राति नै उडे

नेपाल भ्रमणमा आएको छिमेकी मित्रराष्ट्र चीन र मंगोलियाका पाहुनाहरु हिजो राति स्वदेश फर्केका छन् । चिनियाँ कम्युनिष्ट पार्टीको अन्तर्राष्ट्रिय विभागका उपमहानिर्देशकको नेतृत्वमा आएको चार सदस्यीय टोली मध्यरात साढे १२ बजे काठमाडौंबाट प्रस्थान गरेको हो ।

उपमहानिर्देशक सु मिनको नेतृत्वमा आएको आएको टोली एअर चाइनाको उडान नम्बर सीजेड ३०६८ मा मध्यरातमा ग्वान्झौंतर्फ गएको हो ।

यस्तै नेपाल भ्रमणमा आएका मंगोलियाका उपप्रधानमन्त्री सैबुयान अमरसैखान पनि हिजो कोरिया हुँदै स्वदेश गएका छन् । उनी कोरियन एअरलाइन्सको उडान नम्बर केई ६९६ मा सिउल हुँदै राजधानी उलानबटार गएको बताइएको छ ।