दोलखामा बाढीले दुई घर बगायो
दोलखामा गएराति आएको बाढीमा दुई घर बगेका छन् । गौरीशंकर गाउँपालिका–८ खारेको मन्थलीमा आएको बाढीले दुई घरमा क्षति पुर्याएको बताइएको छ ।
गएरातिको अविरल वर्षापछि आएको बाढीमा गौरीशंकर गाउँपालिका–५ का डेढ दर्जन घर जोखिममा परेका छन् ।
स्थानीयलाई सुरक्षित स्थानमा सार्ने काम भइरहेको प्रहरीले जनाएको छ । बाढीले विद्युत र टेलिफोन सेवा अवरुद्ध भएको छ ।
प्रहरीका अनुसार क्षतिको पूर्ण विवरण प्राप्त भइसकेको छैन ।
टिप्पणीहरू