बाजुरामा जीप पल्टियो, सात जना घाइते
बाजुरामा जीप दुर्घटना हुँदा सात जना घाइते भएका छन् ।
१० जना यात्रु लिएर कोल्टीबाट धुलाचौरका लागि छुटेको सुदूरपश्चिम प्रदेश ०१००१ ज १२४१ नम्बरको जीप बुढीनन्दा नगरपालिका–१ पिपलडालीमा दुर्घटनामा परेको हो । दुर्घटनामा ७ जना सामान्य घाइते भएका छन्, भने बाँकि ३ जना सकुशल छन् ।
साँघुरो सडकमा साइड दिने क्रममा जीप सडकबाट करिब तीन मिटर तल खसेको इलाका प्रहरी कार्यालय कोल्टीले जनाएको छ ।
दुर्घटनामा मगुको खत्याड गाउँपालिका वडा नं ९ का १४ वर्षका असल परियार, सोही ठाउँका ३० वर्षीय पुन्न सार्की, ३० वर्षीय नन्दकृष्ण सार्की, ४९ वर्षका कृष्ण बहादुर सार्की, हिमाली गाउँपालिका ४ का ३५ वर्षीय छम्मा सुनार र वडा नं ६ का १८ वर्षीय मान बहादुर सार्की घाइते भएको प्रहरीले जनाएको छ । उनीहरूको प्राथमिक स्वास्थ्य केन्द्र कोल्टीमा उपचार भइरहेको बताएको छ ।
घटनाबारे थप विवरण आउन बाँकी छ ।
टिप्पणीहरू