पूर्वअमेरिकी राष्ट्रपति बाराक ओबामाको घर छेउबाट विस्फोटक पदार्थ बरामद

पूर्वअमेरिकी राष्ट्रपति बाराक ओबामको निवास नजिकै विष्फोट पदार्थ राखेको आशंकामा एक व्यक्ति पक्राउ परेका छन् । सियाटलका ३७ वर्षीय टेलर टारान्टो भनेर चिनिने व्यक्तिलाई प्रहरीले पक्राउ गरेको हो । 

बिहीबार वाशिंगटन डीसीस्थित ओबामाको घर नजिकै पक्राउ परेका ति व्यक्तिलाई हालै सार्वजनिक गरिएको जनाइएको छ । सीबीएस न्यूजले रिपोर्ट गरेको छ, 'गोप्य सेवा एजेन्टहरूले टारान्टोलाई ओबामाको घर नजिकै देखे र उनलाई पछ्याउन थाले । टारान्टोले ओबामाको निवासतर्फ भाग्ने प्रयास गरे तर त्यहाँ पुग्नुअघि नै उनलाई पक्राउ गरियो ।'

गिरफ्तारीको क्रममा अधिकारीहरूले टारान्टोको भ्यान नजिकै पार्क गरिएको भेट्टाए, जसमा धेरै हतियार र सामग्रीहरू थिए । उक्त पदार्थ मोलोटोभ ककटेल जस्तै विस्फोटक उपकरण बनाउन प्रयोग गर्न सकिने हतियार भएको जनाइएको छ । यद्यपि, सीबीएस न्यूजले रिपोर्ट गरेअनुसार ती यन्त्र एसेम्बल गरिएको थिएन ।

 टारान्टोले लाइभस्ट्रिमको क्रममा सामाजिक सञ्जालमा एक व्यक्तिविरुद्ध धम्की दिए, जसले अमेरिकी अधिकारीहरूमा चिन्ता बढाएको थियो । खासमा उनीसँग जनवरी ८, २०२१ मा अमेरिकी क्यापिटलमा भएको आक्रमणमा संलग्नताको लागि वारेन्ट आउट छ । प्रहरी विभागका अनुसार टारेन्टो मुद्दामा उनी हाल फरार ब्यक्ति हुन् ।

अधिकारीहरूले ओबामाको छिमेकीले टारान्टोको उपस्थिति संयोगवश नभएको बताएका थिए । उनी केही महिनादेखि डिसी एरियामा बस्दै आएका थिए । उनी प्रायः डीसी जेल नजिकै आफ्नो भ्यानमा क्याम्पिङ गर्ने गर्थे ।