बेपत्ता मनाङको हेलिकप्टर सोलुखुम्बुको चिहानडाँडा जंगलमा दुर्घटनाग्रस्त फेला, चारजनाको मृत्यु
लुक्लाबाट काठमाडौँका लागि उडेको मनाङ एयरको हेलिकप्टर दुर्घटनामा परेको छ ।
आज बिहान १० बजेदेखि सम्पर्कबिहीन भएको ९ एन एमभी कलसाइनको मनाङ एयरको हेलिकप्टर सोलुखुम्बुको सोलुदुधकुण्ड नगरपालिका-५ लाम्जुरा पास ईलाकाको चिहानडाँडा जंगलमा दुर्घटनाग्रस्त फेला परेको हो ।
लालीगुराँसको रुखमा ठोकिएर दुर्घटनामा परेको हेलिकप्टरमा आगो भने नलागेको बताइएको छ । नजिकै चारवटा शव क्षतविक्षत अवस्थामा फेला परेको र मृतकको पहिचान भइनसकेको पनि जानकारी प्रप्त भएको छ ।
पाइलट सिबि गुरुङ्गले उडाएको हेलिकप्टरमा उनीसहित पाँचजना विदेशी यात्रु सवार थिए । उनीहरु पाँचैजना मेक्सिकन नागरिक हुन् ।
अहिले घटनास्थलमा २ जना स्थानीय पुगेका छन् । प्रहरीको टोली भने त्यसतर्फ जाँदै गरेको बुझिएको छ ।
टिप्पणीहरू