स्वर्गीय सीतालाई आर्यघाटमा श्रद्धाञ्जली दिईंदै

प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहालकी पत्नी तथा पार्टी सल्लाहकार स्वर्गीय सीता दाहालको पार्थिव शरीर आर्यघाट पुर्याइएको छ । उहाँलाई घाटमा परिवारका सदस्य र निकटका नातेदारहरुले श्रद्धाञ्जली दिएका छन् ।

यसअघि पार्थिव शरीरलाई श्रद्धाञ्जलीका लागि नेकपा माओवादी केन्द्रको कार्यालय पेरिसडाँडामा राखिएको थियो । त्यहाँ विभिन्न राजनीतिक दलका नेता, कार्यकर्ता, पेशाकर्मी, व्यवसायी तथा शुभेच्छुकहरुले श्रद्धाञ्जली दिएका थिए ।

पशुपतिमा राजकीय सम्मानका साथ अन्त्येष्टिको तयारी गरिएको छ । यतिखेर आर्यघाटमा उपप्रधानमन्त्री एवम् गृहमन्त्री नारायणकाजी श्रेष्ठ, उपप्रधानमन्त्री एवम् रक्षामन्त्री पूर्णबहादुर खड्का, संस्कृति, पर्यटन तथा नागरिक उड्डयन मन्त्री सुदन किराती, भौतिक पूर्वाधार तथा यातायातमन्त्री प्रकाश ज्वाला, श्रम, रोजागर तथा सामाजिक सुरक्षामन्त्री शरतसिंह भण्डारी, मुख्यसचिव डा. बैकुण्ठ अर्याल, सांसद, सचिव, कूटनीतिक नियोगका पदाधिकारीहरुको उपस्थिति छ ।