दक्षिण कोरियामा भीषण वर्षा, बाढी पहिरोमा तीन दर्जनको निधन
दक्षिण कोरियामा परेको भीषण वर्षाका कारण तीन दर्जनको निधन भएको छ । वर्षापछि आएको बाढी र पहिरोकाका कारण ३३ जनाको मृत्यु भएको छ । १० जना बेपत्ता भएका छन् भने धेरै घाइते भएको जनाइएको छ ।
चिनियाँ समाचार समिति सिन्ह्वाका अनुसार कोरियाको उत्तरी ग्याङसङ र मध्य चुङचेङ प्रान्तमा वर्षाले जनधनको क्षति पुर्याएको छ । कोरियामा पछिल्लो एक सातामा पाँच सय मिलिमीटरभन्दा बढी वर्षा भएको छ ।
हालसम्म १३ वटा शहरका सात हजार आठ सय ६६ जनालाई सुरक्षित स्थलमा विस्थापन गरिएको छ । ठाउँ ठाउँमा सडक भत्किएका छन् । कतिपय स्थानमा सवारी साधन बाढीमा डुबेका र बगेका छन् ।
टिप्पणीहरू