डिजिटल मिडिया विज्ञ देवकोटा स्पेस फोरेकेको अपरेशन निर्देशक नियुक्त

स्पेस फोरके टेलिभिजनले नयाँ अपरेशन निर्देशक नियुक्त गरेको छ । डिजिटल मिडिया तथा कम्युनिटी प्ल्याटफर्म विज्ञ सन्तोषकुमार देवकोटालाई टेलिभिजनको अपरेशन निर्देशकमा नियुक्त गरिएको हो । 

टेलिभिजनलाई नयाँ कोणबाट एकाकार गर्न आफू संस्थागत रुपमा जोडिएको देवकोटाले बताए । टेलिभिजनले उठाएको भ्रष्टाचारविरुद्धको एजेण्डाले आफूलाई आकर्षित तुल्याएको उल्लेख गर्दै उनले टेलिभिजनलाई डिजिटल प्ल्याटफर्ममा प्रवर्धन गराउने धारणा राखेका छन् । 

२०५६ सालमा वीरगञ्जबाट प्रकाशन हुने ‘सार्थक साप्ताहिक’ बाट सञ्चार क्षेत्रमा प्रवेश गरेका देवकोटासँग लामो समय रेडियोमा पनि काम गरेको अनुभव छ । हाम्रो पात्रोका पूर्व संस्थापक (एमडी) उनी नेपग्याजम कमेडीका संस्थापक निर्देशक पनि हुन् । 

पछिल्लो एक दशक उनी डिजिटल मिडिया विज्ञको रुपमा कार्यरत थिए ।