एसिया कपको उद्घाटन खेलमा नेपाल र पाकिस्तान भिड्दै, भारतसँग आगामी सोमबार

एसिया कपको उद्घाटन आज हुँदैछ । पाकिस्तानको मुल्तान क्रिकेट रंगशालामा हुने उद्घाटनसँगै नेपालले घरेलु टोली पाकिस्तानसँग प्रतिस्पर्धा गर्नेछ । खेल नेपाली समयअनुसार दिउँसो पौने ३ बजे शुरु हुनेछ ।

एक दिवसीय क्रिकेटमा नेपाल विश्व वरीयताको शीर्षस्थानमा रहेको पाकिस्तानविरुद्ध पहिलो पटक प्रतिस्पर्धा गर्दैछ ।

पाकिस्तानी टोली सन् १९९२ को विश्वकप तथा २००९ को टी–२० विश्वकप विजेता हो । यसपछि नेपाली टोलीले आगामी सोमबार श्रीलंकामा हुने अर्को खेलमा भारतीय टोलीको सामना गर्ने छ । यस पटक नेपाल, पाकिस्तान र भारत एसियाली कपको एउटै समूहमा छन् । अर्को समूहमा बङ्गलादेश, श्रीलङ्का र अफगानिस्तान छन् ।