एमाले बागमतीकाे बन्द सत्रमा गुरु बराल नेतृत्वकाे अध्यक्ष मण्डल

नेकपा एमालेको प्रथम बागमती प्रदेश कमिटीको अधिवेशनको बन्दसत्र जारी छ । हिजो उद्घाटन गरिएको अधिवेशनको आजदेखि बन्दसत्र प्रारम्भ भएको हो । भृकुटी मण्डपमा आयोजित अधिवेशनको उद्घाटन अध्यक्ष केपी शर्मा ओलीले गर्नुभएको थियो ।

राजधानीको कमलादीस्थित नेपाल प्रज्ञा प्रतिष्ठानमा भइरहेको बन्दसत्रमा अध्यक्ष मण्डलको गठन गरिएको बताइएको छ । प्रदेश कमिटी इञ्चार्ज गुरु बरालको संयोजकत्वमा ११ सदस्यीय अध्यक्ष मण्डल बनाइएको हो । 

जसमा शेरबहादुर तामाङ, देवी ज्ञवाली, आनन्दप्रसाद पोखरेल, गोकुलप्रसाद बाँस्कोटा, कमल चौलागाईं, रामेश्वर फुयाँल, कृष्णबहादुर राई, सुशीला नेपाल, पार्वत गुरुङ, रन्ता गुरुङलाई राखिएको छ ।

बन्दसत्रमा अध्यक्ष केशवराज पाण्डेले राजनीतिक र सांगठनिक प्रतिवेदन पेश गरेका छन् ।