एसियाड क्रिकेटमा विश्व कीर्तिमान, मंगोलियाविरुद्ध नेपालको ३१५ रनको लक्ष्य
चीनको हाङ्चौमा भइरहेको एसियाली खेलकुदको क्रिकेट प्रतियोगितामा मंगोलियालाई तीन सय १५ रनको विश्व कीर्तिमानी लक्ष्य दिएको छ । कुशल मल्ल र दीपेन्द्र सिंह ऐरीले विश्व कीर्तिमानी ब्याटिङ गरेपछि उक्त लक्ष्य प्राप्त भएको हो ।
टस हारेर पहिले ब्याटिङ गरेको नेपालले निर्धारित २० ओभरमा तीन विकेटको क्षतिमा तीन सय १४ रन बनाएको छ । यो लक्ष्य विश्व टी–२० मा हालसम्मकै ठूलो हो । यसअघि अफगानिस्तान र चेक रिपब्लिकनले समान दुई सय ७८ रन बनाएका थिए ।
आज बिहान भएको खेलमा कुशल मल्लले ५० बलमा आठ चौका र १२ छक्कासहित एक सय ३७ रन बनाएका हुन् । दीपेन्द्रसिंह ऐरीले १० बलमा आठ छक्कासहित ५२ रन बनाएका छन् ।
३४ बलमा सतक प्रहार गरेकाले कुशल टी–२० को इतिहासमा सर्वाधिक छिटो सतक प्रहार गर्ने कीर्तिमानी ब्याट्सम्यान बनेका छन् ।
कप्तान रोहित पौडेलले २७ बलमा दुई चौका र ६ छक्कासहित ६१ रन बनाएका छन् ।
ट्रेन्डिङ पोस्ट
टिप्पणीहरू