एसियाड खेलेर फर्किएको क्रिकेट टोलीलाई बाजा बजाएर स्वागत

चीनको हाङझाओमा जारी १९औँ एसियाली खेलकुद प्रतियोगितामा सहभागी नेपाली  पुरुष क्रिकेट टोली स्वदेश फकिएको छ । 

आज बिहान साढे ११ बजे क्रिकेट टोली त्रिभुवन अन्तर्राष्ट्रिय विमानस्थल आइपुगेको हो । क्वाटरफाइनलबाटै बाहिरिए पनि उत्कृष्ट प्रदर्शन गरेर फर्किएका खेलाडीहरुलाई नेपाल क्रिकेट संघ (क्यान)का पदाधिकारीले विमानस्थलमा भव्य स्वागत गरेका थिए । 

त्यस्तै, नेपाल प्रहरीले खेलाडीको स्वागत तथा सम्मानका लागि बाजागाजाको व्यवस्था गरेको थियो । क्वार्टरफाइनलमा नेपाल बलियो टोली भारतसँग २३ रनले पराजित भएको थियो । सो हारसँगै एसियाली खेलकुदको पुरुष क्रिकेटमा नेपालको यात्रा समाप्त भएको हो । तथापि बलियो टोली भारतविरुद्ध १७९ रन बनाएको नेपाली टिमको चौतर्फी प्रशंसा भैरहेको छ ।  

समूह चरणमा मंगोलिया र माल्दिभ्सलाई हराएर क्वाटरफाइनल पुगेको टोलीका खेलाडीहरुले विभिन्न विश्वरेकर्ड बनाएका थिए ।