काभ्रेमा जिप र माइक्रोबसद्वारा मोटरसाइकललाई ठक्कर, एक जना घाइते
काभ्रेपलाञ्चोकमा विपी राजमार्गमा भएको दुई छुट्टाछुट्टै सवारी दुर्घटनामा एक जना घाइते भएका छन् । सिन्धुलीबाट काठमाडौंतर्फ आउँदै गरेको स्कर्पियो जिपले मोटरसाइकल र माइक्रोबसले पनि अर्को मोटरसाइकललाई ठक्कर दिएको बताइएको छ ।
प्रहरीका अनुसार स्करपियोले विपी राजमार्गको बुद्ध चोकमा गलत दिशाबाट बाटो काट्दै गरेको प्र.३–०२– ००५ प ५८२४ नम्बर को मोटरसाइकललाई ठक्कर दिँदा स्कर्पिओको अगाडिको साइटलाइट फुटेको छ । मोटरसाइकल र चालकलाई भकुण्डेबेशी प्रहरीले नियन्त्रणमा लिएको छ ।
सोही स्थानमा प्र.०२–०१० प ९६५० नम्बरको मोटरसाइकलाई सिन्धुली बाट काठमाडौंतर्फ आउँदै गरेको बा ४ ख ५५०३ नम्बरको माइक्रोबसले ठक्कर दिएको छ । उक्त दुर्घटनामा स्थानीय नमोबुद्ध नगरपालिका ५ बस्ने २५ वर्षे धनराम तामाङको दायाँ गोडामा चोट लागेको बताइएको छ । दुर्घटनामा संलग्न मोटरसाइकल र माइक्रोबसका साथै चालकहरु स्थानीय २८ वर्षे भीमबहादुर तामाङ र दोलखाका ३८ वर्षे दीपक श्रेष्ठलाई प्रहरीले नियन्त्रणमा लिएको छ ।
ट्रेन्डिङ पोस्ट
टिप्पणीहरू