राति डोटीमा जीप दुर्घटना, चारको मृत्यु

धनगढीबाट बाजुरातर्फ जाँदै गरेको जिप डोटीमा दुर्घटनाग्रस्त भएको छ । दुर्घटनामा चार जनाको मृत्यु र पाँच जना घाइते भएका छन् । 

ग २ च २७७६ नम्बरको जिप दुर्घटनामा घाइते राजबहादुर मलालको अवस्था गम्भीर रहेको बताइएको छ । दुर्घटना गएराति २ बजेको समयमा भएको हो ।

दुर्घटनामा बाजुराको हिमाली गाउँपालिका ५ की २२ वर्षीया राधिका मलाल, ३२ वर्षीया धनशोभा बुढा, उनका ६ वर्षीय छोरा कविन्द्र बुढा र घाइते बिमला मलालकी ८ महिनाकी छोरी प्रार्थना मलालको घटनास्थलमै मृत्यु भएको प्रहरीले जानकारी दिएको छ ।