पाेखरा जानुअघि दरबारमार्गमा रात्रिभोज
राष्ट्रिय सभाका अध्यक्ष गणेशप्रसाद तिमिल्सिनाले नेपाल भ्रमणमा रहेको चिनियाँ कम्युनिष्ट पार्टीका नेताको सम्मानमा रात्रिभोज आयोजना गर्नुभएको छ । राजधानीको दरबारमार्गस्थित होटल याक एण्ड यतिमा रात्रिभोज राखिएको छ ।
चिनियाँ कम्युनिष्ट पार्टीको सिजाङ (तिब्बत) स्वायत्त क्षेत्रका सचिव वाङ छुङछेङ नेतृत्वको प्रतिनिधिमण्डलका सदस्यलगायत आमन्त्रितहरु त्यहाँ पुगेका छन् ।
सचिव वाङ नेतृत्वको टोलीमा चीनबाट ११ जना र काठमाडौंस्थित चिनियाँ दूतावासका नौ जना कर्मचारी संलग्न छन् । हिजो दिउँसोदेखि उच्चस्तरीय भेटघाटमा व्यस्त चिनियाँ पाहुना टोली भोलि पोखरा जाने कार्यक्रम छ ।
टिप्पणीहरू