देउसी खेलेर सुतेका थुनुवा बिहानै मृत फेला
सिन्धुली कारागारमा एक थुनुवा मृत फेला परेका छन् । सवारी ज्यान मुद्दामा पुर्पक्षका लागि थुनामा रहेका दुधौली नगरपालिका–१० का ३० वर्षीय विमल थापा मृत भेटिएका हुन् ।
जिल्ला प्रहरी कार्यालय सिन्धुलीका प्रवक्ता डिएसपी चिरञ्जीवी दाहालका अनुसार हिजो राति कारागारमै देउसी खेलेर तिहार मनाई खाना खाएर सुतेका उनी आज बिहान साढे ३ बजे बेहोस अवस्थामा भेटिएका थिए । तत्कालै जिल्ला अस्पताल पुर्याइएकोमा उनलाई चिकित्सकले मृत घोषणा गरेको उनले बताए ।
थापाको मृत्युको कारण खुलेको छैन । शव पोष्टमार्टमका लागि अस्पतालमै राखिएको जानकारी दिदैं डिएसपी दाहालले घटनाबारे आवश्यक अनुसन्धान हुने बताए ।
मृतक थापा गत असोज १७ गतेदेखि पुर्पक्षका लागि थुनामा थिए ।
ट्रेन्डिङ पोस्ट
टिप्पणीहरू