सिरहाको आगलागीमा लाखौंको क्षति

सिरहाको गोलबजारमा आगलागी हुँदा लाखौंको धनमाल नष्ट भएको छ । गोलबजार नगरपालिका–६, राधाकृष्ण मन्दिर टोलका ३७ वर्षीय दुर्गेशकुमार साहको कपडा गोदाममा आगलागी हुँदा करिब १७ लाख बराबरको धनमाल नष्ट भएको बताइएको छ । 

गएराति विद्युत सर्ट भई आगलागी हुँदा गोदामभित्रका लत्ताकपडा जलेर नष्ट भएको प्रहरीले जनाएको छ । आगो इलाका प्रहरी कार्यालय गोलबजार र सशस्त्र प्रहरी बेश क्याम्प गोलबजारबाट खटिएको टोलीले स्थानीय र दमकलको सहायतामा नियन्त्रणमा लिएको थियो । 

घटनाबारे आवश्यक अनुसन्धान भइरहेको छ ।