देवदहमा बस पल्टियो, डेढ दर्जन घाइते

काठमाडौं दाङ जाँदै गरेको यात्रुबाहक बस दुर्घटनामा परेको छ । रुपन्देहीको देवदहमा बस दुर्घटना भएको हो ।

 देवदह नगरपालिका-८ भलुही भन्ने स्थानमा दुर्घटना हुँदा २० जना घाइते भएका छन् । घाइतेहरुमध्ये दुईको अवस्था गम्भीर र ५ जनाको अवस्था मध्यम रहेको प्रहरीले जनाएको छ । घाइतेको देवदह मेडिकल कलेजमा उपचार भैरहेको छ । 

जिल्ला प्रहरी कार्यालय रुपन्देहीका डीएसपी मनोहरप्रसाद भट्टले दिएको जानकारी अनुसार काठमाडौंबाट दाङ जाँदै गरेको बा प्र ०३–००१ नम्बरको बस गएराति पौने १२ बजे भलुहीमा पल्टिएको हो । बसमा ३८ जना सवार रहेकोमा १८ जना सकुशल छन् ।

बस चालक प्युठान झिमरुकका प्रदीप परियारलाई प्रहरीले नियन्त्रणमा लिएको छ ।