गोदावरीमा मिनी ट्रक दुर्घटना, भीरबारीमा ट्याक्टर पल्टियो
कैलालीमा मिनी ट्रक दुर्घटना हुँदा एक जनाको ज्यान गएको छ ।
पहाडबाट धनगढीतर्फ आउँदै गरेको से१ख १४३८ नम्बरको मिनी ट्रक गोदावरीमा दुर्घटना भएको प्रहरीले जनाएको छ । ट्रकमा कति जना सवार थिए भन्ने खुलिसकेको छैन ।
प्रहरीका अनुसार प्रदेश ट्राफिकको टोली भर्खर घटनास्थलतर्फ गएको छ । घटनाको पूर्ण विवरण आउने बाँकी छ । यता, स्याङ्जामा ट्रयाक्टर दुर्घटना हुँदा चालकको निधन भएको छ । पुतलीबजार नगरपालिका-१४ भिरबारीमा भएको सो दुर्घटनामा दाङको दङ्गीशरण गाउँपालिका-४ का २८ वर्षीय रामहरि चौधरीको ज्यान गएको जिल्ला प्रहरी कार्यालय स्याङ्जाले जनाएको छ ।
भित्री सडक खण्डमा तोप्सेबाट लामागेका लागि छुटेको ग १ त ४९८७ नम्बरको ट्र्याक्टर बाटोमा पल्टिएको हो ।
ट्रेन्डिङ पोस्ट
टिप्पणीहरू