भीरबाट खसेकी महिलाको सेनाको हेलिकप्टरबाट उध्दार
भीरबाट खसेर गम्भीर घाइते भएकी एक जना महिलालाई नेपाली सेनाको हेलिकप्टरमार्फत उद्धार गरिएको छ ।
जाजरकोटको भेरी नगरपालिका वडा नम्बर ४, जुरेलीकी ५० वर्षीया कृष्णदेवी शाहीलाई सेनाको (एनए–०६६) बेल हेलीमार्फत उद्धार गरेर उपचारका लागि सुर्खेत ल्याइएको छ ।
हिजो दिउँसो भीरबाट खसेर गम्भीर घाइते भएकी शाहीलाई उपचारका लागि सुर्खेत लैजानुपर्ने भएपछि जिल्ला प्रशासन कार्यालय, जाजरकोटले सेनालाई पत्र पठाएको थियो ।
सेनाको हेलिकप्टर उनको उद्धारका लागि गए राति जाजरकोटतर्फ प्रस्थान गरेको थियो । सेनाले शाही र एक जना कुरुवालाई अस्पताल ल्याएको छ ।
हेलिकप्टरको बिल भुक्तानी भने कर्णाली प्रदेशको आर्थिक मामिला तथा योजना मन्त्रालयले गर्ने जनाइएको छ ।
ट्रेन्डिङ पोस्ट
टिप्पणीहरू