बुद्धको विमान अवतरण गर्न नसकेपछि प्रधानमन्त्री सेनाको हेलिकोप्टरमा सवार

प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्ड यतिखेर महोत्तरीमा हुनुहुन्छ । उहाँ नेकपा माओवादीको प्रशिक्षण कार्यक्रममा सहभागी हुन बिहान त्यसतर्फ जानुभएको हो ।

आज बिहान साढे ८ बजे बुद्ध एअरको उडानमा १० सदस्यीय टोलीका साथ काठमाडौंबाट जनकपुर जानुभएको उहाँ विमान अवतरण गर्न नसकेपछि १० बजे राजधानी फर्कनुभएको थियो । खराब मौसमका कारण ६४ जना यात्रु रहेको विमान जनकपुरमा अवतरण गर्न नसकी काठमाडौं विमानस्थल आइपुगेको हो । बिहान पौने ८ बजे उड्नुपर्ने विमान खराब मौसमका कारण साढे ८ बजे काठमाडौंबाट प्रस्थान गरेको थियो ।

त्यसपछि प्रधानमन्त्री दाहाललाई नेपाली सेनाको हेलिकोप्टर एनए ०५७ एमआई १७ ले महोत्तरी पुर्याएको बताइन्छ । १२ सदस्यीय टोलीसहित प्रधानमन्त्री दाहाल उक्त हेकिोप्टरमा सशस्त्र प्रहरी बलको नम्बर २ छिन्नमस्ता बाहिनी पुग्नुभएको हो । त्यहाँबाट उहाँ कार्यक्रमस्थल जानुभएको हो ।