ट्रकले स्कुटरलाई ठक्कर दिँदा दम्पती घाइते, श्रीमतीको अवस्था गम्भीर

थानकोटमा भएको सवारी दुर्घटनामा दम्पती घाइते भएका छन् । थानकोटबाट नागढुंगातर्फ जाँदै गरेको मोटरसाइकललाई पछाडिबाट गइरहेको ट्रकले ठक्कर दिँदा उनीहरु घाइते भएका हुन् ।

बा.प्रदेश ३–०१–००६ ख १३०८ नम्बरको ट्रकले बा.८८ प ७९५५ नम्बरको स्कुटरलाई ठक्कर दिँदा स्कुटरमा सवार स्थानीय ४० वर्षे श्रीधर भुर्तेल र ३९ वर्षीया श्रीमती अस्मिता भण्डारी घाइते भएका बताइन्छ । 

उनीहरु दुबैको ललितपुरको मेडिसिटी अस्पतालमा उपचार भइरहेको छ । भण्डारीको अवस्था गम्भीर रहेको बताइएको छ । प्रहरीले ट्रक र मकवानपुरका ४७ वर्षे चालक प्रेमबहादुर बम्जनलाई नियन्त्रणमा लिएर आवश्यक अनुसन्धान थालेको छ ।