बोलेरो दुर्घटनामा चालकको निधन, दुईजना सिकिस्त
पोखरामा बोलेरो दुर्घटना हुँदा एक जनाको ज्यान गएको छ ।
आज बिहान भएको दुर्घटनामा चालक कृष्णबहादुर थापाको निधन भएको हो । त्यस्तै, अन्य दुइजना घाइते भएका छन् ।
प्रहरीका अनुसार चालक थापा (४९), पोखरा १८ का हिमकला थापा(६९) र सोही स्थानकी चन्द्रकला थापा (७०) दुर्घटनामा घाइते भएका थिए । तीनै जनालाई तत्काल मणिपाल शिक्षण अस्पताल पुर्याइएकोमा चालक थापाको उपचारका क्रममा मृत्यु भएको हो ।
टाउकोमा गम्भीर चोट लागेका घाइते दुबैको उपचार भइरहेको जिल्ला प्रहरी कार्यालय कास्कीले जनाएको छ ।
आज बिहान ९ बजेतिर पोखरा महानगरपालिका-१८ चिसाखोलाबाट बाग्लुङ बसपार्कतर्फ जाँदै गरेको ग ३ च २६०३ नम्बरको बोलेरो सडकबाट झन्डै २० फिट तल खसेर सो दुर्घटना भएको हो ।
ट्रेन्डिङ पोस्ट
टिप्पणीहरू