राति विस्फोट भएको स्थानमा माओवादीको पर्चा
चितवनको भरतपुरमा गएराति विस्फोट भएको स्थान नजिकै नेपाल कम्युनिष्ट पार्टी (माओवादी) केन्द्रिय समितिको तर्फको नाममा लेखिएको पर्चा फेला परेको छ । भरतपुर महानगरपालिका–४, रामघाट नजिकै खुल्लाचौरमा भएको विस्फोटमा कुनै क्षति नभएको प्रहरीले जनाएको छ ।
गएराति पौने २ गते पड्किएको ठूलो आवाज आएपछि वडा प्रहरी कार्यालय नारायणगढबाट तत्काल टोली पुगेको थियो । घटनास्थलमा ग्यास सिलिण्डरका टुक्राहरु जलेको अवस्थामा फेला परेको प्रहरीले जनाएको छ ।
त्यस्तै, नेकपा माओवादी केन्द्रले सरकारलाई बुझाएको माग उल्लेख गरिएको पर्चा पनि घटनास्थलमा भेटिएको छ । उक्त घटनाबारे थप अनुसन्धान भइरहेको प्रहरीले जनाएको छ ।
ट्रेन्डिङ पोस्ट
टिप्पणीहरू