जीप दुर्घटनामा दुई महिलाको निधन, चार घाइते
सिन्धुपाल्चोकमा भएको जीप दुर्घटनामा दुई जनाको मृत्यु भएको छ ।
बाह्रबिसे नगरपालिका ७ की ४० वर्षीया दिलकुमारी प्रधान र लालकुमारी प्रधानको मृत्यु भएको जिल्ला प्रहरी कार्यालय सिन्धुपाल्चोकले जनाएको छ ।
बाह्रबिसेबाट जाँदै गरेको बा. १२ च ४९९१ नम्बरको जीप नागपुजेबाट झण्डै ७० मिटर तल अँधेरी खोलामा खसेको बताइन्छ ।
इलाका प्रहरी कार्यालय बाह्रबिसेका प्रमुख देवेन्द्र जोशीका अनुसार चालक विक्रम थापासहित बाह्रबिसे–७ कै गोपाल थापा, खड्गकुमारी श्रेष्ठ, पुष्कर थापा गरि चार जना घाइते भएका छन् ।
घाइतेहरूलाई उपचारका लागि बाह्रबिसे प्राथमिक स्वास्थ्य केन्द्र लगिएको प्रहरीले जनाएको छ ।
ट्रेन्डिङ पोस्ट
टिप्पणीहरू