चितवनमा जन्मोत्सव मनाएर पूर्व रानी निर्मल निवास प्रस्थान

पूर्व राजा ज्ञानेन्द्र शाह परिवारका अन्य सदस्यहरुसहित काठमाडौं आउनुभएको छ । सोमबार पूर्व रानी कोमल शाहको ७३ औं जन्मोत्सव मनाएर १९ जनाको टोली हिजो काठमाडौं आएको हो । 

बुद्ध एअरको उडानबाट हिजो दिउँसो साढे ४ बजे पूर्व राजा ज्ञानेन्द्र,पूर्व रानी कोमलसहित पूर्व युवराज्ञी तथा बुहारी हिमानी, छोरीहरु प्रेरणा,सिताष्मा,कृतिका, श्रीनिवास राणा,सीता राणा र शीला राणा भरतपुर हुँदै काठमाडौं आएको बताइएको छ । 

काठमाडौं फर्केको टोलीमा सागरप्रसाद तिमिल्सिना, राजेशबहादुर सिंह,स्मिता सिंह, जगदीश हमाल,हरिशरण थापा, कृष्णबहादुर गुरुङ,मोहनकुमारी गुरुङ,उजेली तामाङ,गीताकृष्ण खड्का र लक्ष्मी गुरुङ पनि छन् ।