भेट्ने पालो रुसी राजदूतको

उपप्रधान तथा परराष्ट्रमन्त्री नारायणकाजी श्रेष्ठसँग नेपालका लागि रुसी राजदूत अलेक्सेइ नोभिकोभसँग भेटवार्ता गर्नुभएको छ। उहाँहरुबीच आज सिंहदरबारस्थित मन्त्रालयमा भेटवार्ता भएको बताइएको छ ।

अघिल्लो सरकारमा गृहमन्त्री रहेका श्रेष्ठले परराष्ट्रको जिम्मेवारी सम्हालेसँगै काठमाडौँस्थित विभिन्न मुलुकका राजदूतहरुले लगातार भेटवार्ता गरेका छन् ।

परराष्ट्रमन्त्रीको शपथ ग्रहणलगत्तै उहाँसँग गत बिहीबार चिनियाँ र भारतीय राजदूतले छुट्टाछुट्टै भेट गरेका थिए । अस्ति दिउँसो अमेरिकी राजदूत परराष्ट्रमन्त्रीसँग भेट्न सिंहदरबार पुगेका थिए ।