राष्ट्रपति बौद्धमा, प्रधानमन्त्री ताहाचल

राष्ट्रपति रामचन्द्र पौडेल बौद्धस्थित होटल हायात रिजेन्सी पुग्नुभएको छ । उहाँ नेपाल स्वास्थ्य अनुसन्धान परिषद्ले आयोजना गरेको स्वास्थ्य तथा जनसंख्यासम्बन्धी वैज्ञानिकहरुको १० औं राष्ट्रिय शिखर सम्मेलन उद्घाटनका लागि त्यहाँ पुग्नुभएको बताइएको छ ।

कार्यक्रममा स्वास्थ्यमन्त्री उपेन्द्र यावद, सरकारी अधिकारीहरु, वैज्ञानिक, अन्तर्राष्ट्रिय निकायका प्रतिनिधि तथा सञ्चारकर्मी गरेर झण्डै चार सय जना उपस्थित छन् ।

प्रधानमन्त्री पुष्पकमल दाहाल प्रचण्ड ताहाचलस्थित होटल सोल्टी पुग्नुभएको छ । उहाँ नेपाल उद्योग वाणिज्य महासंघको ५८ औं साधारणसभा एवम् वाणिज्य दिवस २०८० को उपलक्ष्यमा आयोजित कार्यक्रमको उद्घाटन समारोहलाई सम्बोधन गर्न त्यहाँ जानुभएको हो ।